Dil Galabta Kadhacay Kismaayo
Written by Ali Moallim
Wednesday, 25 June 2008
Kismayo,(insidesomalia.org)- Kooxo hubeysan ayaa galabta Magaalada Kismaayo waxa ay ku toogteen Qasnajigii Dekada Magaalada Kismaayo, iyadoo aan la ogeyn ujeeda loo dilay ninkaasi.
Marxuumkaan la dilay ayaa lagu magcaabi jiray Mahad Aadan Carabey oo ahaa Qasnajigii Dekada Magalada Kismaayo, iyadoo dhaawacna uu kasoo gaaray 2 qof oo rayid ah rsasaastii lalabeegsadey Marxuumka geeriyoodey.
Falkaan ayaa galabta waxa uu ka dhacay isgoyska Istaar ee Xaafada calanleey ee Magalada Kismaayo, ka dib markii kooxo hubeysan ay rasaaseeyeen gaari uu watay Marxuumla.
Inkastoo aan la ogeyn ujeeda loo dilay qasnajiga ayaa hadan warar soo baxaya waxa ay sheegayaan in loo dilay aano Qabiil.
Majirto cid ka hadashay dilka loo geystay Marxuumka,waxaana ay qeyb ka tahay falal amni daro ah oo ka jira Magalada Kismaayo.